Maður er manns megin.

Halda þessir menn virkilega að við kjósendur séum þvílik fífl að gleypa við þessu?

"Ýmsir aðilar hafa reynt að gera þessa atburðarás tortryggilega. Við hörmum það. Við vorum einungis að leggja Sjálfstæðisflokknum lið í miklum fjárhagserfiðleikum og lögðum okkur alla fram í þeim tilgangi. "

Svo mörg voru þau orð hjá Steina í "Kók" og Steinþóri Gunnarssyni.

Þvílík tjara.

Af hverju komu þessir menn ekki STRAX fram á sjónarsviðið og lýstu fullri ábyrgð á hendur sér?

Það getur hver meðalgreindur grunnskólanemi reiknað út hversu gífurleg og neikvæð áhrif þessar ofurstyrksumræður hafa haft í för með sér.

Var kannski verið að plotta?

Á kannski að gera lokatilraunina, og það reyndar óttalega vanburðuga, til að draga okkur kjósendur á asnaeyrunum einu sinni enn?

Ég hef ekki trú á að nokkur maður sé virkilega svo skyni skroppinn að sjá ekki í gegnum farsann.

Þar til næst.

 

Athugasemdir

[Hildur Helga Sigurðardóttir, 12.4.2009 kl. 03:30]

Allt er nú reynt að gera tortryggilegt !   Segi bara eins og K.Þ.J. á landsfundi xD;

"Hvernig GETIÐI sagt þetta ?"

[Þráinn Jökull Elísson, 12.4.2009 kl. 03:41]

Hildur mín Helga, ég er bara að byrja að hita upp.

Kvur fjandinn er K.Þ.J.???

[Þráinn Jökull Elísson, 12.4.2009 kl. 05:45]

Kristján Þór Júlíusson???

Er ekki búið að sparka honum út í ystu myrkur?

Var ekki Sjálfstæðisflokkurinn að taka til hjá sér?