Guð láti á gott vita.

Meinlegur misskilningur virðist vera útbreiddur um hlutverk Evu Joly hér á landi. Svo virðist sem margir haldi að Joly hafi beina aðkomu að rannsókn bankahrunsins, sé jafnvel í því starfi með sérstökum saksóknara, Ólafi Þór Haukssyni.

Gildir þetta bæði um aðdáendur Joly, og ýmsa af hinum sem eru minna hrifnir af henni. Hið rétta er að sú norsk-franska er „sérstakur ráðgjafi ríkisstjórnarinnar vegna rannsókna á efnahagsbrotum sem tengjast hruni fjármálakerfisins", eins og stóð í fréttatilkynningu forsætisráðuneytisins þegar hún var ráðin.

Þá vitum við það.

í gær upplýsti Ragna Árnadóttir dómsmálaráðherra að frumvarp væri í smíðum sem kæmi til móts við hluta af ráðgjöf Joly, eða „kröfum" eins og dómsmálaráðherra kaus að orða það í viðtali við fréttastofu Ríkisútvarpsins.

Dómsmálaráðherra kýs hins vegar að hafa að engu ráðgjöf Joly um að víkja beri Valtý Sigurðssyni ríkissaksóknara frá, enda opinberaði sú ráðgjöf mikið þekkingarleysi ráðgjafans á íslensku réttarfari. Og það er auðvitað hið vandræðalegasta mál sem ekki er hægt að láta eins og hafi ekki átt sér stað.

Íslenskt réttarfar?

Nú ætti einhver að halda kjafti og skammast sín!

Er siðblindan kannski orðin svo alger að menn sjái ekki lengur fram fyrir nefið á sér?

Íslenskt réttarfar!

Laughing out loud.

Í öllum siðmenntuðum löndum hefðu þeir sem báru ábyrgð á Icesafe reikningunum, þ.e. starfsmenn FME, og fyrrverandi bankastjórar Landsbankans verið leiddir út í járnum.

Hérlendis halda þeir áfram að maka krókinn. Og komast upp með það.

Íslenskt réttarfar.

Ef eitthvað er þá þyrftum við fólk eins og Evu Joly í tugatali til að reyna að uppræta spillinguna sem hér hefur tröllriðið húsum alltof lengi.

Tuttugu og sex mál eru komin inn á borð til sérstaks saksóknara. Flest eru málin umfangsmikil þar sem um er að ræða verulega fjárhagslega hagsmuni.

Varla er það að ástæðulausu.

Grein Sigurðar G. Guðjónssonar er best geymd i ruslafötunni.

Vesalings Sigurjón Þ. Árnason að þurfa að framfleyta sjálfum sér, móður, systur og stjúpföður á skitnu 70 millu láni á okurvöxtunum 3.5%. Svo þarf sennilega að fóðra köttinn, já og jafnvel hundinn líka.

Vesalings Sigurjón.

Íslenskt réttarfar!

Þar til næst.