Skrílslæti.

Þessi uppákoma unga fólksins í Alþingi í dag er að mínu mati til háborinnar skammar.

Þó ég sé harður andstæðingur núverandi ríkisstjórnar, þá er þetta ekki rétta leiðin til að mótmæla.

Með svona framferði leggjum við vopn í hendur andstæðinga okkar sem stimpla okkur öll sem skríl.

Slíkt má ekki gerast!

Ég er fylgjandi kosningum í vor, og þá getum við sent dýralækninn út í sveit, þar sem hann er best geymdur, og afganginn, ja, eitthvað af þeim í næsta frystihús og einhver gæti skroppið á sjóinn og afg. færi þá bara á atvinnuleysisbætur. Þá kannski lærir þetta háæruverðuga(?) lið hvernig það er að draga fram lífið á atvinnuleysisbótum, á sama tíma og "útrásargreifarnir" halda áfram að blóðmjólka okkur.

Þar til næst.

 

Ólæti á þingpöllum

Athugasemdir

[Eva Hauksdóttir (IP-tala skráð) 9.12.2008 kl. 00:42]

Mér finnst það aftur á móti til háborinnar skammar að nær 300.000 manns láti það bara yfir sig ganga að stjórnvöld sem eru búin að stefna meirihluta heimila og fyrirtækja í landinu í gjaldþrot, sitji áfram eins og ekkert sé. Erum við menn eða mýs?

[Eva Hauksdóttir (IP-tala skráð) 9.12.2008 kl. 00:44]

Já og þú gætir þá kannski upplýst mig um það hver er rétta leiðin til að mótmæla fyrst það er ekki þessi? Eigum við kannski að prófa hafa útifundi tvisvar í viku og 7 ræðumenn í hvert sinn?

[Jóna Kolbrún Garðarsdóttir, 9.12.2008 kl. 01:37]

Ég er fylgjandi þessa unga fólks sem var að mótmæla í dag. Hvernig heldur þú að framtíðarhorfur þeirra séu?  Fá þau vinnu á Íslandi að loknu námi?  þurfa þau að flýja land til þess að geta séð fyrir sér, samt er búið að skuldsetja þau fyrir kannski 10 milljónir hvert.  Ég skil þau vel

[Thrainn Jokull Elisson (IP-tala skráð) 9.12.2008 kl. 01:54]

Ég er fylgjandi mótmælum, svo framarlega að þau skaði ekki málsstaðinn. Ég vona svo sannarlega að skilaboðin mín hafi komist til skila. Við megum aldrei láta andstæðinginn fá höggstað á okkur.

Ég vona að þið skiljið hvað ég á við.

Talandi um að flytja, ég er svo lánssamur að þurfa bara rétt að skreppa yfir pollinn og þá er ég kominn HEIM.

Kannski er það bara gamla íslenska þrjóskan sem heldur mér hér enn, þó svo það sé margt sem kallar á mig í nágrannaríkinu.

Þar til næst.

[Þráinn Jökull Elísson, 9.12.2008 kl. 02:03]

Eva , góða, við verðum að taka á okkar stóra og bíta á jaxlinn, við megum ekki gefa höggstað á okkur. Hávaði og ruddalæti gera ekkert annað en að eyðileggja fyrir okkur.

Með kærri kveðju.

[Eva Hauksdóttir (IP-tala skráð) 9.12.2008 kl. 17:53]

Þráinn Jökull, hvað hafa beinar aðgerðir eyðilagt? Hvaða dæmi getur nefnt um að góðu hafi miðað með hefðbundnum mótmælaaðgerðum en bakslag hefi komið í málið við beinar aðgerðir; a) hér á landi b) í öðrum löndum?

[Eyjólfur F Scheving (IP-tala skráð) 11.12.2008 kl. 01:34]

Komon Jökull... hvar er byltingarandinn?

 Ég vona svo sannarlega að það fjölgi í skrílnum! Það sem þeir eru að gera á hinu háa alþingi ef frekar til háborinnar skammar.

 P.s. Þarf að fá hjálp frá þér við þetta hrognamál fyrir sunnudaginn, má ekki klikka.

Verð í bandi.

[Þráinn Jökull Elísson, 12.12.2008 kl. 01:28]

Eyjólfur. Hrognamál???

[Þráinn Jökull Elísson, 12.12.2008 kl. 01:39]

Eva góða. Ég hef mínar hugmyndir um mótmæli líka. Ég sló því upp , kannski í gríni fyrst og fremst, til að kalla fram viðbrögð, þ.e. þann 9.10.s.l.lagði ég til að settir yrðu upp höggstokkar á Lækjartorgi, viðbrögð engin! Þ.21.10 dró ég í land og stakk upp á gapastokkum í staðinn, sem er alls ekki svo galin hugmynd. Viðbrögð engin!

Lestu ekki bloggið mitt?

Þar til næst.

[Eva Hauksdóttir (IP-tala skráð) 12.12.2008 kl. 13:20]

Þráinn Jökull. Þetta er góð hugmynd. Yrði svona táknrænt listaverk sem endurspeglar hug þinn og örugglega margra annarra. Láttu mig endilega vita þegar þú ferð í að framkvæma þetta og ég skal hjálpa til.

[Þráinn Jökull Elísson, 13.12.2008 kl. 03:38]

Eva, þetta er vel framkvæmanlegt.

Ég hef samband næst þegar ég kem í bæinn.