Vertu velkominn Dalai Lama.

Eru engin takmörk fyrir andskotans frekjunni og yfirgangsseminni í Kínverjunum?

Mér finnst þeir ættu að taka til í eigin ranni áður en þeir byrja að fetta fingur út í mál sem þeim koma akkúrat ekkert við. Við Íslendingar njótum þess frelsis að búa við lýðræði sem þýðir að við getum boðið hverjum sem er, og tekið á móti hverjum sem er, án þess að utanað komandi aðilar séu með puttana í því. Ég varð fyrir vonbrigðum með viðbrögð ríkisstjórnarinnar að eyða tíma í að útskýra fyrir Kínverjunum að Dalai Lama væri hér í óopinberri heimsókn og ekkert á vegum ríkisstjórnarinnar.

Er kötturinn að klóra yfir kúkinn úr sér?

Við þurfum ekki að útskýra eitt né neitt fyrir þessum skröttum. Það má vel vera að einhverjir fari að brigsla mér um kynþáttahatur og það er bara í fínasta lagi. Ég er á móti öllum sem á einn eða annan hátt skera sig úr frá okkar annars ágæta þjóðflokki, þ.e. ég er á móti karlmönnum sem ganga í pilsum ( Skotar ) og þeim sem skreyta sig með fjöðrum ( Indjánar ) og svona gæti ég haldið áfram endalaust. Ég er líka á móti þeim sem ekki eru ljóshærðir og bláeygðir, tek fram að ég er dökkhærður og brúneygður, en sem sagt, ef fólk hefur heilbrigðar skoðanir þá er ég tilbúinn að gleyma öllum mínum fordómum og fagna með þeim sem hafa þó það mikla skynsemi í kollinum að gera sér grein fyrir því að til er nokkuð sem heitir mannréttindi sem vinir vorir í austri virðast ekki hafa uppgötvað enn.

Þar til næst.

Athugasemdir

[Guðmundur Óli Scheving, 14.2.2009 kl. 00:57]

Já vertu velkominn.....Ég er  sammála þér

[Ragnhildur Kolka, 14.2.2009 kl. 12:16]

Þú segist vera á móti öllum sem skera sig "frá okkar annars ágæta þjóðflokki". Af hverju ertu þá ekki á móti mönnum sem klæða sig í borðdúk?

[Þráinn Jökull Elísson, 14.2.2009 kl. 12:39]

Ragnhildur mín kæra. Ég er á móti ÖLLUM sem skera sig úr , hafirðu lesið bloggið mitt þá kemur  það berlega í ljós. Hvort sem þeir klæða sig í borðdúk eður ei, skiptir ekki máli. Af hverju heldurðu að ég sé ekki á móti mönnum sem klæða sig í borðdúk???