Loksins er ljósglæta framundan.

 

Á meðan Eva Joly berst af atorku gegn þeim glæpalýð, sem setti þjóðarbúið á hausinn, þá þegja íslensk stjórnvöld.

Nú hefur hún sagt tveimur ríkisstjórnum til syndanna, afsakið þær eru reyndar þrjár, þess er jú skemmst að minnast þegar hún rassskellti íslensku ríkisstjórnina í beinni útsendingu Kastljóss sl. vetur.

Á meðan hefur ríkisstjórnin lagt ofurkapp á Icesave samningana sem okkur ber ekki að borga neitt frekar en Bretar og Hollendingar, jú og reyndar tiltölulega fámennur hópur íslenskra "athafnamanna" sem hefur í skjóli bankaleyndar og hinnar rótgrónu spillingar sem hér ríkir, mergsogið þjóðina.

Fimmmenningarnir þeir Magnús Kristinsson útgerðarmaður, Bakkabræðurnir Ágúst Guðmundsson og Lýður Guðmundsson, bankastjórinn Bjarni Ármannsson og "athafnamaðurinn" Jón Ásgeir Jóhannesson hafa auglýst siðleysi sitt, siðblindu og sóða innræti allrækilega undanfarið í viðtölum og blaðagreinum.

Og enn ganga þeir lausir.

Eigendur einkabankans - Landsbankans - sem bera jú ábyrgð á Icesave reikningunum og eiga með réttu að borga brúsann, þeir Björgólfarnir, velta sér upp úr vellystingum á sama tíma og ósvífnin var svo afgerandi að þeir fóru fram á niðurfellingu þriggja milljarða af skuld við Kaupþing.  Eftir situr hnípin þjóð í vanda og skuldug upp fyrir haus.

                                                                                                         

Og enn ganga þeir lausir.

Ég velti því stundum fyrir mér hver staðan hérlendis væri í dag ef Eva Joly hefði ekki komið til sögunnar og rifið ráðamenn þjóðarinnar upp úr Þyrnirósarsvefninum.

Mig óar við tilhugsuninni.

Seinagangur og sofandaháttur stjórnvalda hefur vakið ýmsar grunsemdir hjá mér og örugglega mörgum öðrum.

Þar til næst.

 

 

 

 

 

 

 

Bankahrun líkist máli Madoffs

Athugasemdir

[Árni Karl Ellertsson (IP-tala skráð) 13.9.2009 kl. 17:55]

Við þurfum bara að sækja þessa viðbjóðslegu GLÆPAMENN sjálfir og loka þá inni og kasta lyklinum.Það mun enginn annar gera það í það minnsta ekki þessi handónýta Ríkisstjórn sem er samofin spillingunni.