Áfram dunar dansinn...

Senn tekur Hraðbraut aftur til starfa.

Áhugaverð klausan sem kemur fram í fréttinni...

...var margt athugavert við reksturinn eins og að Hraðbraut hafi fengið 192 milljónir króna frá ríkinu umfram það sem honum hafi borið á árunum 2003 til 2009. Skólinn hafi greitt 82 milljóna króna arð til eigenda á sama tíma og auk þess hafi aðilar sem tengdust rekstrinum fengið 50 milljóna króna lán.

http://www.rikisendurskodun.is/fileadmin/media/skyrslur/Hradbraut.pdf

Óþarfi að hafa fleiri orð um það.

Þar til næst.

http://eyjan.pressan.is/frettir/2014/05/22/hradbraut-tekur-aftur-til-starfa-radherra-stadfestir-ad-umsokn-uppfyllir-skilyrdi/

Ekki bara ummælin...

Allar aðgerðir Sigmundar Davíðs frá upphafi ferils hans sem forsætisráðherra eru mér óskiljanlegar.

Af nógu er að taka en ég læt mér nægja að minnast á aðgerðir ríkisstjórnarinnar þegar kom að "leiðréttingu" kjara aldraðra og öryrkja.

Við eymingjarnir glöddumst ...þar til kom að efndum loforða.

Í stað þess að hjálpa þeim sem minnst máttu sín þá var farin sú leið að hjálpa þeim sem betur voru staddir þ.e. þeim sem höfðu 250 þúsund og meira á mánuði.

Fámennasti hópurinn og um leið ódýrasta lausnin fyrir ríkissjóð.

Ekki bólar á "leiðréttingu" fyrir þá verst settu í íslenska velferðarsamfélaginu.

Enn gasprar og geypar strákskömmin.

Er ekki kominn tími á aðra búsáhaldabyltingu ??

Þar til næst.

Ummæli Sigmundar óskiljanleg

Ég skammast mín...

Var að tala við "erfingjann" áðan, eins og verði nokkuð að erfa nema skuldirnar sem hækka í hvert skipti sem hæstvirtum ráðherra okkar þóknast að snýta sér, en það er önnur saga.
"Nær kemur tú" ??
 Altså, tað kostar og eg...
"Hvussu leingi orkar tú" ??
  Altså, eg kundi tonkt mær..
" Tað hevur tú sagt fyri mær so leingi...eg vil fáa teg heim!!
  Ja, eg lovi...
"Ja.........tú lovar...
 Í hvert skipti sem við tölum saman sárskammast ég mín. Ég skammast mín fyrir aumingjaskapinn í mér að sitja bara á rassinum og horfa á lánið frá Íbúðalánasjóði éta upp það sem ég þó átti í húskofanum.
 Ég skammast mín fyrir uppburðarleysið í mér að taka mig ekki bara til og snara lyklinum inn og pilla mig af skerinu.
Ég skammast mín fyrir þjóðerni mitt þegar erlendir vinir eru að spyrja mig spjörunum úr hvað varðar stjórnmálastöðuna hérlendis...en fátt verður um svör.
Ég hef enga trú á þeim gylliloforðum sem á okkur dundu fyrir kosningar.
Það veit jú hver sæmilega þenkjandi framhaldsskólanemi að innistæðan fyrir slíku er engin.
Ég skammast mín.
  Þar til næst.

Útópía bíður okkar...

...ef staðið verður við brot af þeim gylliboðum sem á okkur dynja nú í aðdraganda kosninga.

Okkur hefur verið lofað skattalækkun, án þess að gerð sé grein fyrir tekjumissi aðþrengds ríkissjóðs, sem slíkt hefði í för með sér.

Okkur hafa verið boðnar leiðréttingar á skuldum heimilanna og þá talað um 20 %, sem lauslega reiknað myndu kosta um 260 milljarða.

Talað er um upptöku eigna "vogunarsjóða" en ekki er minnst á að meðal annarra sem keyptu hlutabréf í íslensku bönkunum í "góðærinu" eru danskir lífeyrissjóðir.

Sem varla geta talist til vogunarsjóða.

Ég minni á þá dapurlegu staðreynd að við erum blönk.

Skítblönk.

Sem ég skrifa á reikning þeirrar ríkisstjórnar sem féll eftir búsáhaldabyltinguna.

"Guð blessi Ísland"

Um helmingur allra íbúðalána er hjá Íbúðalánasjóði, hinn helmingurinn hjá lífeyrissjóðum og bönkum.

Ekki er hægt að lækka lán í eigu lífeyrissjóða og banka.

Í stjórnarskránni eru ákvæði sem banna slíka eignaupptöku.

Hvernig á svo að bæta Íbúðalánasjóði upp eignaskerðingu upp á ca. 130 milljarða ??

Með hærri sköttum eða frekari lántöku ríkisins ??

Svör hafa ekki fengist.

Þessa stundina hlusta ég á kosningaumræðurnar á Rás 2...og blöskrar.

Mér blöskrar að heyra margt af því sem fólk í framboði lætur út úr sér.

Mér blöskrar að hugsa til þess að á morgun, þegar við göngum til kosninga, eru býsna margir sem, samkvæmt skoðanakönnunum, vilja kalla yfir sig þá óstjórn sem kom okkur í þá kreppu sem börnin og jafnvel barnabörnin okkar koma til með að súpa seyðið af.

Ætlum við aldrei að læra ??

Í lokin vil ég vitna í þann mæta mann Jón Magnússon lögmann þar sem hann segir:

"Nú er kosningabaráttunni að ljúka og framboðsflokkarnir búnir að lofa millifærslum og framkvæmdum fyrir mörg hundruð milljarða úr galtómum ofurskuldugum ríkissjóði".

Í þeirri veiku von að fólk láti ekki glepjast af innantómum loforðum þegar í kjörklefann er komið óska ég ykkur góðrar nætur.

Þar til næst.

Lög um lögheimili.

Vegna þeirrar leiðu iðju sem alltof margir af framámönnum okkar innan stjórnmálageirans virðast stunda vil ég koma eftirfarandi á framfæri.

1990 nr. 21 5. maí1. gr. Lögheimili manns er sá staður þar sem hann hefur fasta búsetu.
Maður telst hafa fasta búsetu á þeim stað þar sem hann hefur bækistöð sína, dvelst að jafnaði í tómstundum sínum, hefur heimilismuni sína og svefnstaður hans er þegar hann er ekki fjarverandi um stundarsakir vegna orlofs, vinnuferða, veikinda eða annarra hliðstæðra atvika.4. gr. Enginn getur átt lögheimili hér á landi á fleiri en einum stað í senn.
Leiki vafi á því hvar telja skuli að föst búseta manns standi, t.d. vegna þess að hann hefur bækistöð í fleiri en einu sveitarfélagi, skal hann eiga lögheimili þar sem hann dvelst meiri hluta árs. Dveljist hann ekki meiri hluta árs í neinu sveitarfélagi skal hann eiga lögheimili þar sem hann stundar aðalatvinnu sína enda hafi hann þar bækistöð. Það telst aðalatvinna í þessu sambandi sem gefur tvo þriðju hluta af árstekjum manns eða meira.
Alþingismanni er heimilt að eiga áfram lögheimili í því sveitarfélagi þar sem hann hafði fasta búsetu áður en hann varð þingmaður. Sama gildir um ráðherra. Þarna má setja þó nokkur spurningarmerki.Þar til næst.

Kosningar hvað ??

Ég var að hlusta á stjórnmælaumræðurnar á Rás 2 áðan. Þar kom ekkert nýtt fram. Frekar en fyrri daginn. Allir lofa öllu.Sem er að mínu mati dæmigert fyrir íslenska pólitík. Það var lítið sem ekkert minnst á stöðu aldraðra og öryrkja frekar en fyrri daginn. Þetta var í það heila innantóm loforð sem hver heilvita maður sér í gegnum. Samt sem áður eru alltof margir sem gleypa öngulinn. Eðlilega. Fólk... grípur í síðasta hálmstráið.
Þó ekkert sé.
Það verður fróðlegt að fylgjast með eftir kosningar hvernig farið verður að því að útskýra ómöguleika þess að standa við gylliboðin.
Það hlýtur jú hver einasta sæmilega þenkjandi manneskja að sjá í gegnum lygavefinn.
Kosningaloforð hafa aldrei staðist.
Það hefur reynslan kennt mér.
Við getum hins vegar huggað okkur við að staðan getur ekki versnað.

Ég hef beðið og vonað að úr rættist, svona rétt áður en ég missti kofann, en þegar lánið á þessu litla húsi mínu hækkar...og hækkar...þrátt fyrir mánaðarlegar afborganir...þá er svo komið að ég velti fyrir mér hvort yrði áhrifaríkara að skila lyklinum eða hreinlega gerast "Rambo" og grisja smá í bankaflórunni.

Þar ligggur jú þénustan.

Þar til næst.

...framhald.

Ekki tók betra við hinum megin við línunnar.

Þegar háttvirtur fráfarandi formaður VG lagði undir sig morgunútvarpið með útskýringum og  ástæðum uppsagnar sinnar,

Sem var reyndar tóm tjara.

Alþjóð veit jú mætavel að ef VG á að yfirlifa þá þarf að taka til.

Stundum verð ég vonsvikinn.

Þar til næst.

Af og til...

...blöskrar mér.

Sérstaklega þegar frammámenn í íslenskum stjórnmálum láta í ljós visku sína.

Samanber :

"Ég gæti verið farinn í hvert dómsmálið á fætur öðru á móti þessum gæjum."

 Ok Bjarni.

Einlægnin fer skýjum ofar. Svo ofarlega að mér koma í hug hin fleygu orð: "The higher the top, the longer the drop."

Eitt er að væla fyrir framan alþjóð og taka upp gömlu fermingarstrákstaktana : Ég er miklu stærri og sterkari en þú. Pabbi minn er miklu tengdari en pabbi þinn...............

 OK ...Annað er að ausa drullu yfir pólitíska andstæðinga sína með orðbragði og rökum sem hver tólf ára pjakkur myndi skammast sín fyrir. Sem sýnir best á hvaða plani siðferðið er.

Stundum verð ég vonsvikinn.

Þar til næst.

Af Hælisleitendum.

Í framhaldi af ummælum Kristínar Völundardóttur varðandi hælisleitendur, er rétt að geta þess að nokkrir "hælisleitendur" hafa ítrekað reynt að smygla sér um borð í þau skip Eimskipafélagsins sem sigla til U.S.A. Án árangurs sem betur fer því afleiðingarnar hefðu orðið geigvænlegar fyrir skipafélagið. Ég tek undir með Kristínu þegar hún segir að í hópi hælisleitenda séu alltaf einhverjir sem alls ekki eiga þar heima.
Á sama tíma og Íslendingar standa í biðröðum eftir matargjöfum er dælt einum milljarði í þróunaraðstoð.
Á sama tíma erum við að halda uppi hóp hælisleitenda, með tilheyrandi kostnaði( þó slíkt eigi rétt á sér svo langt sem það nær) sökum fjársveltis Útlendingastofnunar sem ekki getur afgreitt málin fyrr en eftir dúk og disk.

Innanríkisráðherra ætti að kynna sér málið til fullnustu áður en hann krefur Kristínu frekari útskýringa.

Var við öðru að búast??

Traust mitt til ráðamanna vorra fer óðum minnkandi.

Reyndar löngu komið að þolmörkum.

Hvaða gullkorn skyldu hrjóta af vörum velferðarráðherra núna ??

Ég bíð í ofvæni.

Eftir innihaldslausum og fáránlegum réttlætingum.

Aldraðir og öryrkjar eru ca. 74 þúsund...atkvæði.

Ég hef grun um að þau atkvæði falli stjórnarliðum ekki í hag.

Ég hef í það minnsta ákveðið hvaða flokka ég kýs ekki.

Læt ekki draga mig á asnaeyrunum lengur. 

Ég er farinn að leggja drög að brottflutningi af landinu.

Það er ekki langt að fara en breytingin á lífskjörum mínum verður til batnaðar.

Svo um munar.

Þar til næst.

Réttmætur lífeyrir skertur