Ég er orðlaus...

 

...já , ég er alveg kjaftstopp.

Fimm lífeyrissjóðir sem voru í eignastýringu hjá Landsbankanum eru grunaðir um að hafa fjárfest um of í verðbréfum tengdum Landsbankanum og eigendum þeirra og gefið Fjármálaeftirlitinu (FME) rangar skýrslur um það.

Hvað er hægt að segja?

Spillingin ristir dýpra og dýpra, þar eru engin takmörk.

Ég er farinn að velta fyrir mér að flytjast búferlum áður en ég verð samdauna þessum óþverra .

Þar til næst.

 

Of miklar fjárfestingar í tengdum bréfum

Ballið er rétt að byrja.

 

Er verið að hliðra til fyrir útrásarvíkingunum?

Skyldu Bjöggarnir fá niðurfellingu á þessum þrem milljörðum þrátt fyrir allt?

Þar til næst.

Aukið svigrúm til afskrifta

Áskorun.

Ég skora á ykkur að taka nú höndum saman og senda öllum þingmönnunum bréf og krefjast þess að þeir beiti sér fyrir því að settar verði reglur/siðareglur um kennitöluflakk svo komið verði í veg fyrir þennan ósóma.

Netföng þingmanna:

[e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail], [e-mail]

 

Þar til næst.

Mér er hálfeinkennilega innanbrjósts...

 

...eftir allar þær neikvæðu og stundum hörmulegu fréttir sem hafa dunið á okkur daglega þá kom fréttin sem vermdi gömlu slitnu hjartaræturnar.

Skólar bjóða Íslendingum afslátt.

Evrópski hönnunarskólinn Instituto di Design (IED) býður íslenskum nemum að greiða skólagjöldin fyrir skólaárið sem nú fer í hönd á genginu 145 krónur fyrir evruna, en gengið er núna, samkvæmt upplýsingum frá Kaupþingi, um 180 krónur.

Arnþrúður Jónsdóttir, sölustjóri Lingo, sem hefur milligöngu um skólavist, segir að þessi gjaldeyristrygging sé einungis í boði fyrir Íslendinga.

Hugsið ykkur, Egptaland er nú ekki beinlínis við bæjardyrnar hjá okkur en samt eru þeir sér meðvitaðir um þær hörmungar sem dynja á okkur hérumbil daglega, orsakaðar af tiltölulega fámennum hóp fjárglæframanna sem hafa einskis svifist til að auðgast á kostnað annarra. Ég gæli enn við hugmyndina um gapastokkana og gaddavírssvipurnar á Austurvelli sem ég bloggaði um fyrir margt löngu síðan.

Einhverjum kann  finnast ég vera úr hófi fram hefnigjarn, það er ég ekki, en að mínu mati er engin refsing of þung fyrir þá menn sem eiga sök á því ástandi sem við búum við í dag.

Góða nótt og Guð veri með ykkur.

 

 

 

 

 

 

 

 

Skólar bjóða Íslendingum afslátt

Nýja Ísland, Spilling í skjóli nýju bankanna.

 

ENGAR REGLUR UM KENNITÖLUFLAKK.

"Stjórnvöld hafa ekki, svo mér sé kunnugt um, sett stjórnum nýju bankanna neinar reglur um kennitöluflakk fyrirtækja,“ sagði Gylfi Magnússon, viðskiptaráðherra á Alþingi.

Þess eru dæmi að stórskuldug sjávarútvegsfyrirtæki hafi flutt eignir þ.m.t. kvóta yfir í nýtt félag en skilið skuldirnar eftir í því gamla, með vitund og vilja nýju bankanna, má þar nefna Nýja Landsbankann og Íslandsbanka.

Gylfi Magnússon, viðskiptaráðherra sagði að þetta álitamál hefði margoft komið fram- og hér kemur svo toppurinn á tertunni.

"Kennitöluskipti eru hins vegar oft eðlilega leið til að bjarga verðmætum og tryggja áframhaldandi rekstur."

Eðlileg leið til að bjarga verðmætum?

Eðlileg leið til að tryggja áframhaldandi rekstur?

Er það eðlilegur rekstur sjávarútvegsfyrirtækis að- segjum sem svo- framkvæmdastjóri fyrirtækis taki, með stuðningi meirihlutastjórnar, þriggja milljarða króna lán í Landsbankanum í svissneskum frönkum og japönskum jenum og fjárfesti svo í hlutabréfum í Landsbankanum og peningamarkaðssjóði Landsbankans?

Við segjum okkur að hér sé sjávarútvegsfyrirtæki, EKKI fjárfestingarfélag.

Það dapurlega er að megnið af fjárfestingunni er fyrir löngu tapað en eftir situr fyrirtækið með skuldina sem nálgast nú 10 milljarða króna vegna gengisþróunar.

Nú voru góð ráð dýr.

Auðvitað fólst lausnin í því að fara hæstvirts viðskiptaráðherrans eðlilegu leið, "Til að bjarga verðmætum og tryggja áframhaldandi rekstur".

Nýtt fyrirtæki leit dagsins ljós og til að tryggja áframhaldandi rekstur þess voru fasteignir ,veiðiheimildir, skip með rá og reiða og ,NB, skuldir upp á liðlega 2,6 milljarða króna færð yfir í nýja félagið.

Gróft reiknað munu standa eftir um 7,5 milljarðar í gamla félaginu.

Hver skyldu nú eftirköstin svo verða?

Skuldir þarf jú að borga en hver borgar?

Maður með þau viðhorf sem ég hef reynt að útskýra hér, á að mínu mati að finna sér annað starf hið fyrsta, nú eða fara á atvinnuleysisbætur.

Þetta er að vísu bara dæmisaga sem ég hef sett hér saman, með tilvitnunum úr Mbl.

Getur gerst, gæti hafa gerst, hvar sem er.

Þar til næst.

 

 

 

 

 

 

 

 

 

 

 

 

 

 

 

 

 

Engar reglur um kennitöluflakk

Keypti Sterling tvisvar.

Pálmi Haraldsson flokkast tvímælalaust undir það að vera einn af 20 stærstu útrásarvíkingum Íslands. Pálmi og Jóhannes Kristinsson áttu félagið Fons sem nýverið óskaði eftir gjaldþrotaskiptum.

Eitt helsta afrek Fons var að kaupa danska flugfélagið Sterling á fjóra milljarða króna og selja FL Group það sex mánuðum síðar á 15 milljarða króna. Síðan keypti Fons aftur Sterling af FL Group ári síðar á 20 milljarða króna.

Geri aðrir betur.

Er þetta ekki lögbrot?

 

Skuldir Fons eru taldar nema 20 milljörðum króna en eignir voru meðal annars fjórir milljarðar í handbæru fé.                                                                                                                            Jóhannes hefur að mestu haldið sig í Lúxemborg undanfarin ár.

Skyldi engan undra.

Árið 2007 áætlaði blaðið Sirkus eignir Pálma á 40 milljarða króna. Eignir Jóhannesar voru þá metnar á 30 milljarða króna.Ekki liggur fyrir hvernig staða þeirra er í dag.

                                                                                                             

Í ágúst 2008 seldi Fons eignir fyrir 100 milljarða króna. Inni í því var sala á hlut félagsins í Iceland-keðjunni í Bretlandi og var hagnaður félagsins vegna þeirrar sölu sagður vera 77 milljarðar króna.

Gjaldþrotaskipti hvað?

 

Félag hans Fengur sem rekur Iceland Express hefur ekki verið úrskurðað gjaldþrota en það hefur ekki skilað ársreikningi í fjögur ár.

Ef ég gleymi að skila þó ekki sé nema skattskýrslunni á réttum tíma þá er ég ansi hræddur um að ég sé í vondum málum.

Mjög vondum málum.

Þar til næst.

 

 

 

 

 

 

 

 

 

 

 

 

 

 

 

 

Ég hef ákveðið...

...að sækja um niðurfellingu helmings af húsnæðisláninu sem hvílir á kofanum.

Heilar fimmtán hundruð þúsund!

Jamm og já.

Björgólfar vilja að Kaupþing afskrifi þrjá milljarða.

Skuldin er upphaflega tilkomin vegna kaupa eignarhaldsfélags þeirra, Samsonar, á 45,8 prósenta hlut ríkisins í Landsbankanum árið 2003.

"Þeir sem taka lán þurfa að borga þau."

Þetta sagði hún amma mér.

Þó hún sé horfin á vit forfeðra sinna þá eru orð hennar mér enn í fersku minni.

Það er þó augljóst að ekki er sama Jón eða séra Jón.

Ef Björgólfarnir, kallangarnir, eru svona fj.... blankir þá hef ég ágætis ráð handa þeim.

Seljið eins og eina snekkju og í leiðinni mætti skella eins og einum húskofa á söluskrá. Svo er líka spurning hvort ekki mætti grynnka á bílaflotanum.

Ég er búinn að ákveða að bjóða bankanum "snekkjuna" mína, eikarbátur árg. 1968, sona til að grynnka aðeins á skuldinni.

Svo er að sjá hverju framvindur.

Þar til næst.

 

 

 

 

 

 

 

 

 

Uppskrift á fúleggjum.

Ég rakst á þessa athyglisverðu uppskrift á netinu.

Tók mér það bessaleyfi að birta hana hér.

1. Þú stelur eggjabakka.

2. Þegar heim er komið er bakkinn opnaður og honum svo komið fyrir á þægilega hlýjum stað t.d. nálægt bökunarofninum eða eldavélinni nú eða úti í glugga þar sem sólin nær að velgja eggin.

3. Þegar eggin hafa staðið í notalegri velgju ca. 1-2 vikur þá gýs upp lykt sem myndi sæma sér vel á jakkafötum útrásarvíkinganna ef þeir þá þora að láta sjá sig á almannafæri.

Umfram allt, og þetta er mikilvægt, ekki brjóta þau innandyra því þá þarf að loftræsta.

Gangi ykkur vel.

Þar til næst.

 

 

 

 

Auðvitað settu þeir skilyrði...

...þeir þekkja til fjármálaóreiðunnar hérlendis já og erlendis.

Að lána okkur Íslendingum peninga án skilyrða er að mínu mati álíka gáfulegt og að ráða Steingrím Njálsson til vinnu á barnaheimili.

Hættið svo þessum barlómi.

Við erum búin að gera svo hressilega í buxurnar að lánstraustið er fokið út í veður og vind.

Við höfum orðið okkur til skammar út um allan heim og jafnvel er litið á okkur sem ótínda þjófa.

Látið ykkur ekki koma til hugar að stjórnarandstaðan geti gert betur.

Þar til næst.

 

Norðurlönd settu skilyrðin

Skrattinn sér um sína.

Þeir Sigurður Einarsson, fyrrverandi stjórnarformaður Kaupþings, og Hreiðar Már Sigurðsson, forstjóri, voru samtals skráðir með 5,4 milljarða króna lán hjá bankanum sem veitt voru til að kaupa hlutabréf í Kaupþingi.

Samkvæmt lánabók Kaupþings skuldaði Helgi Sigurðsson, yfirlögfræðingur Kaupþings, bankanum tæpar 450 milljónir sumarið 2006 vegna lána sem hann hafði fengið til hlutabréfakaupa í bankanum. Helgi veitti stjórninni lögfræðilegt álit um að hún hefði heimildir til þess samkvæmt lögum að fella persónulegar ábyrgðir starfsmanna niður. Helgi vill ekki tjá sig um lánin; telur þau einkamál.

Kristján Arason, þáverandi framkvæmdastjóri viðskiptabankasviðs Kaupþings fékk, samkvæmt lánabókinni, 893 milljónir að láni í formi svokallaðs kúluláns.

Kaupþing lánaði starfsfólki sínu samtals 47,3 milljarða til hlutabréfakaupa í bankanum árið 2006.

Þetta eru miklir peningar.

Mjööööög miklir!

Þó ber að hafa í huga þá miklu ábyrgð sem þessir menn báru.

Það hafa þeir jú sjálfir sagt.

Löglegt???

Siðlaust???

Dæmi hver fyrir sig.

Eitt liggur mér þó á hjarta.

Hvar er ábyrgðin í dag?

Er siðblindan, já og siðspillingin, kannski orðin svo allsráðandi að þessum höfðingjum finnist ástandið ofur eðlilegt?

Svo er allavega að skilja þegar þeir skýla sér á bak við meingallaða löggjöf, sbr. lögfræðiálit Harðar Felix Harðarsonar, lögmanns Hreiðars Más Sigurðssonar fyrrverandi forstjóra Kaupþings.

Í álitinu kemst Hörður Felix að þeirri niðurstöðu að ákvörðun stjórnar  gamla Kaupþings um niðurfellingu ábyrgða  nokkurra helstu stjórnenda bankans vegna lána sem þeir höfðu fengið til að kaupa hlutabréf í bankanum hafi verið lögum samkvæmt.

Þá vitum við það.

Þar til næst.

 

 

 

 

 

 

 

 

 

 

 

 

 

Fengu milljarða að láni