The higher the top......

Nú verðum við Íslendingar að taka höndum saman og hjálpa þessu vesalings fólki. Mér dettur helst í hug að fá laugardagsmótmælendurna til að ganga um með samskotabauka, það væri þá kannski hægt að redda greyjunum um íbúð í verkamannabústöðunum, nú eða í versta falli tjaldi í Laugardalnum. Það gengur náttúrlega engan veginn að láta þessar elskur sofa undir berum himni, allavega ekki á þessum tíma árs, þið vitið, kvefpestir, ofkæling og þess háttar, eða vita af þeim með betlibaukinn í höndinni.

Eða hvað?

Nei takk. Nú látum við reyna á miskunnsama Samverjann sem (vonandi ) býr í okkur öllum!

Við tökum okkur saman og hjálpum þessu yndislega fólki, með fallega Colgate brosið sitt svo þau þurfi ekki að kvíða morgundeginum.

Þar til næst.

Selja íbúð á Manhattan

Vertu velkominn Dalai Lama.

Eru engin takmörk fyrir andskotans frekjunni og yfirgangsseminni í Kínverjunum?

Mér finnst þeir ættu að taka til í eigin ranni áður en þeir byrja að fetta fingur út í mál sem þeim koma akkúrat ekkert við. Við Íslendingar njótum þess frelsis að búa við lýðræði sem þýðir að við getum boðið hverjum sem er, og tekið á móti hverjum sem er, án þess að utanað komandi aðilar séu með puttana í því. Ég varð fyrir vonbrigðum með viðbrögð ríkisstjórnarinnar að eyða tíma í að útskýra fyrir Kínverjunum að Dalai Lama væri hér í óopinberri heimsókn og ekkert á vegum ríkisstjórnarinnar.

Er kötturinn að klóra yfir kúkinn úr sér?

Við þurfum ekki að útskýra eitt né neitt fyrir þessum skröttum. Það má vel vera að einhverjir fari að brigsla mér um kynþáttahatur og það er bara í fínasta lagi. Ég er á móti öllum sem á einn eða annan hátt skera sig úr frá okkar annars ágæta þjóðflokki, þ.e. ég er á móti karlmönnum sem ganga í pilsum ( Skotar ) og þeim sem skreyta sig með fjöðrum ( Indjánar ) og svona gæti ég haldið áfram endalaust. Ég er líka á móti þeim sem ekki eru ljóshærðir og bláeygðir, tek fram að ég er dökkhærður og brúneygður, en sem sagt, ef fólk hefur heilbrigðar skoðanir þá er ég tilbúinn að gleyma öllum mínum fordómum og fagna með þeim sem hafa þó það mikla skynsemi í kollinum að gera sér grein fyrir því að til er nokkuð sem heitir mannréttindi sem vinir vorir í austri virðast ekki hafa uppgötvað enn.

Þar til næst.

Davíð segir ekki af sér.

 

Veit vesalings maðurinn ekki hvenær tími hans er kominn?

 Allar hans fáránlegu staðhæfingar allt frá því í október rötuðu beinan veginn í heimspressuna og gerðu ekkert annað en að eyðileggja fyrir okkur.

Góði Davíð, snúðu þér bara að skáldskapnum og gefðu þjóðinni "breik"

Þar til næst.

Davíð segir ekki af sér

Allir ráðherrar Sjálfstæðisflokksins ætla að þiggja biðlaun .

Björgvin G. Sigurðsson, fyrrverandi viðskiptaráðherra hefur afþakkað biðlaun og er hann þar með sá eini sem hefur gert það. Þegar haft var samband við ráðherra Sjálfstæðisflokks og þeir beðnir um svör lét Árni M. Matthiesen fjármálaráðherra hafa eftir sér; “Venjulega þiggur maður það sem að manni er rétt.” En eins og kemur fram í frétt á visir.is telja ráðherrar það sjálfsagt að nýta sér þennan rétt sinn eins og menn hafa gert síðustu ár.

Laun ráðherra geta numið allt að 855 þúsund krónur á mánuði að forsætisráðherra undanteknum en hann hefur 935 þúsund krónur í laun á mánuði. Allir þingmenn, þar með taldir þingmenn hafa 520 þúsund krónur á mánuði. Biðlaunin miðast við mismuninn af þingmannalaunum og ráðherralaunum. Þ.e.a.s. 335 þúsund krónur hjá ráðherrum en 415 þúsund hjá forsætisráðherra.

Mín heitasta ósk, um þessar mundir, er sú að þetta forstokkaða lið eigi eftir að lenda í þeirri aðstöðu að draga fram lífið á eitthundraðtuttuguog fimm þúsundum á mánuði!

Þar til næst.

Bankastjórar víkja með nýjum lögum.

Davíð Oddsson svaraði ósk forsætisráðherra um afsögn úr starfi bankastjóra í gær. Hann segist aldrei hafa „hlaupist frá neinu verki" sem hann hefur tekið að sér og ætlar því að sitja áfram.

Davíð skýtur föstum skotum að Jóhönnu í svarbréfinu. Hann segir að upphafleg ósk hennar sem send var bréfleiðis „með lítt dulbúnum hótunum" einsdæmi hér á landi, og líklega um allan hinn vestræna heim. „Lög sem eiga að tryggja sjálfstæði seðlabanka og forða pólitískri aðför að seðlabankastjórninni hafa nú verið þverbrotin. Ábyrgð ráðherrans er því mikil.

Davíð fer mikinn og víða í bréfinu. Hann gagnrýnir það hart að Baldur Guðlaugsson starfi ekki lengur sem ráðuneytisstjóri fjármálaráðuneytisins. Hann segir frumvarp að lögum um Seðlabankann, sem fer til afgreiðslu efnahags- og skattanefndar í dag, vera hrákasmíð og verði aldrei samþykkt óbreytt.

Hann segir jafnframt að það hafi verið stjórnsýsluleg afglöp þegar forstjóra og stjórn Fjármálaeftirlitsins (FME) var gert að fara. FME hafi verið stjórnlaust á viðkvæmasta tíma. „Af því hefur hlotist verulegur skaði", segir Davíð.

Hvernig var annars með Þjóðhagsstofnun?

Var hún lögð niður í  einhverju bræðikasti?

Þar til næst.

Stjórnendur Baugs sitja áfram í stjórnum helstu fyrirtækjanna.

Skilanefnd Landsbankans samdi við Jón Ásg. Jóhannesson og Gunnar Sigurðsson, stjórnarformann

og forstjóra Baugs, um að þeir haldi stjórnarsætum sínum í verslunarkeðjunum House of Fraser, Iceland, Aurum og Hamleys, þrátt fyrir að gengið hafi verið að veðum í þessum fyrirtækjum.

Samkvæmt samkomulaginu mun Jón Ásgeir fá 3,3 milljónir í laun á mánuði fyrir stjórnarsetuna ásamt afnot af bifreið og þyrlu. Heimildarmaður fréttavefsins segir að stjórnarseta þeirra Jóns og Gunnars sé grundvallaratriði fyrir fyrirtækin. Þeir þekki reksturinn vel og muni hjálpa bönkunum og skilanefndunum í þeim erfiðu efnahagsaðstæðum sem nú ríkja.

Gamli Landsbankinn og Gamli Glitnir gengu að veðum í Baugi seinni partinn í síðustu viku. Þetta var gert í beinu framhaldi af því að óskað var eftir greiðslustöðvun fyrir Baug fyrir breskum dómsstólum. Ætlar þessi skrípaleikur aldrei að taka enda ?

Þar til næst.

Tæknileg mistök?

Afdankaður dýralæknir sem ég efast um að viti hvað snýr fram og aftur á belju, og dæmdur afbrotamaður. Þessir menn keppa um efsta sætið í Suðurkjördæmi.

Er nú farið að þrengjast í búi hjá Sjálfstæðisflokknum?

Þar til næst.

Árni Mathiesen áfram í kjöri

Loksins....

Glæsilegt hjá þér Jóhanna.

"Forsætisráðherra hefur sent frá sér yfirlýsingu þar sem hún lætur í ljósi mikil vonbrigði með bréf Davíðs Oddssonar seðlabankastjóra sem birt var í dag.

Í tilefni af bréfi Davíðs Oddssonar, formanns bankastjórnar Seðlabankans, sem birt hefur verið opinberlega, vill forsætisráðherra lýsa miklum vonbrigðum með þá afstöðu sem bankastjórinn hefur ákveðið að taka í þessu máli. Greinilegt er að bankastjórinn er ósammála því mati ríkisstjórnarinnar að mannabreytingar í Seðlabankanum nú, séu til þess fallnar að auka traust og trúverðugleika bankans.

Það er hans afstaða og verður hann að taka ábyrgð á henni."

Kæra Jóhanna, megi Guð og gæfan fylgja þér í þeim erfiðu verkefnum sem bíða þín.

Þar til næst.

Lýsir miklum vonbrigðum

Sælir eru fátækir.......

Jón Ásgeir Jóhannesson stjórnarformaður Baugs í Bretlandi og Gunnar Sigurðsson, forstjóri Baugs, munu áfram sitja í stjórnum bresku verslunarkeðjanna House of Fraser, Iceland,  Aurum og Hamleys þótt skilanefnd Landsbankans hafi gengið að veðum bankans í þessum fyrirtækjum.

Fram kemur, að stjórnarsetan tryggi Jóni Ásgeiri um 20 þúsund punda laun á mánuði, jafnvirði  3,4 milljóna króna, auk afnota af fyrirtækisbíl og einkaþyrlu.

Er haft eftir heimildarmanni, sem sagður er þekkja til, að nauðsynlegt hafi verið talið að þeir Jón Ásgeir og Gunnar störfuðu áfram við fyrirtækin þar sem þeir þekki þar vel til mála og muni veita bönkum og tilsjónarmönnum ráðgjöf.

Svo mörg voru þau orð.

Mér leikur hugur á að vita hvaða "ráðgjöf" þessir menn geta veitt, reksturinn er ekki það burðugur, og hvernig skyldi nú staðan vera á vörulagernum hjá Bónus?

Jón Ásgeir lýsti því jú yfir síðastliðið haust að hann væri tilbúinn að fara að vinna á lyftara hjá Bónus ef þörf krefði. Hann fengi náttúrlega engar 3,4 milljónir í mánaðarkaup og þyrlunni gæti  hann bara gleymt.

Var kannski fullmannað á Bónuslagernum??

Þar til næst.

 

 

Jón Ásgeir og Gunnar áfram í stjórnum

Hvers á ég að gjalda?

Jóhanna vill Ásmund burt.

Jóhanna Sigurðardóttir forsætisráðherra segir að skipan nýs bankastjóra í Landsbankanum í gær hafi valdið henni miklum vonbrigðum, að því er fram kemur á mbl.is. en Ásmundur Stefánsson var þá skipaður bankastjóri fram á haust, eins og AMX greindi frá í gær.

Jóhanna segir að bankaráðið hafi mátt vita og sá sem skipaður var að það sé vilji ríkisstjórnarinnar að auglýsa slíkar stöður. Reynt verði að fá þessari ákvörðun hnekkt þar sem hún gangi gegn vilja ríkisstjórnarinnar.

Þar fauk atvinnutækifærið!

Þar til næst.