Flott.

 

Þetta framtak unglinganna er til fyrirmyndar. Þau skulu jú erfa landið, ég vona bara unga fólkið erfi meira en skuldir upp fyrir haus.

Kærleikslausar kauphallir?

Þakklæti!

 

Þegar á reynir eru Færeyingar okkar bestu vinir.

Ég bjó í Færeyjum í ellefu dásamleg ár, þannig að hugurinn leitar oft "Heim".

Takk fyrir Færeyingar.

Lán til Íslendinga samþykkt

Þó það nú væri.

Tryggvi Jónsson, fyrrum aðstoðarforstjóri Baugs, hefur sagt upp störfum hjá Nýja Landsbankanum og þegar látið af störfum.

Störf Tryggva hjá bankanum hafa verið gagnrýnd undanfarið en tæpt hálft er síðan að hann var dæmdur í 12 mánaða skilorðsbundið fangelsi í tengslum við Baugsmálið.

Er fólk loksins farið að vitkast eitthvað?

Þar til næst.

Spilling-Sukk-Svínarí-Siðblinda.

Eftir að hafa fylgst með Kastljósi í kvöld get ég ekki lengur orða bundist.

Það er sama í hvaða horn er litið, spillingin blasir allsstaðar við. Engin furða að við Íslendingar séum orðnir að athlægi út um allan heim.

Þvílíkur viðbjóður!

Á sama tíma og -að mínu mati- þessir fjárglæframenn halda áfram að taka okkur í endagörnina, þá eigum við sauðsvartur almúginn að borga ballið. Stjórnarliðið hreykir sér nú, eins og hani á skítahaug, yfir nokkurra prósenta launalækkun sem dekkar ekki einu sinni verkamannalaun.

Heyr, heyr!

Næst þegar ég-öryrkinn -leggst inn á sjúkrahús, þá þarf ég að borga fyrir það.

Það heitir á stjórnmálamanna máli: Hagræðing!

Ef þetta hyski kynni venjulega verkamanna íslensku þá kallast þetta  þjófnaður.

EN, það er engu líkara en þetta vesalings fólk haldi sig vera æviráðið.

Nú er eymingja Ingibjörg Sólrún byrjuð að leggja línurnar fyrir væntanleg stjórnarslit með því að krefjast þess að við göngum til samræðna við ESB.  

Talandi um rottur sem flýja sökkvandi skip.

Eins og nokkrum heilvita manni detti í hug að taka upp samstarf við liðhlaupa?

Nei takk!

Ætlar Samfylkingin að selja landið ofan af okkur?

Því miður þá virðist mér, eftir sjö ára búsetu á landinu okkar(enn sem komið er) að það skipti ekki nokkru einasta máli hver stjórnar, því spillingin virðist rista ansi djúpt.

Það þarf ekki að grafa svo mikið til að koma niður á skítinn og óþverrann.

Þar til næst.

 

 

Framtakssemin til fyrirmyndar.

Það er hægt að gera margt þegar viljinn er fyrir hendi.

Þó fannst mér vanta upplýsingar um hversu mikið fjármagn Björk lagði sjóðnum til, því hennar framlag má ekki hverfa í gleymskunnar djúp.

Þar til næst.

Vona að framlög í sprotasjóðinn BJÖRK verði á annan milljarð

Það læðist að mér ljótur grunur.

Ólafur F. Magnússon, borgarfulltrúi, lagði til á fundi borgarstjórnar í dag að borgarfulltrúar birti upplýsingar um öll fjárframlög til þeirra vegna prófkjara fyrir síðustu borgarstjórnarkosningar eigi síðar en 28. febrúar næst komandi.

Borgarfulltrúar hugsanlega vanhæfir

,,Þar sem mörg þekkt dæmi eru um að aðilar úr Sjálfstæðisflokki og Framsóknarflokki hafi setið beggja vegna borðsins við einkavæðingu ríkisbankanna, og gerst auðmenn í kjölfarið, hlýtur það að vekja upp spurningar um tengsl þeirra við borgarfulltrúa þessara flokka í áðurnefndum prófkjörum. Ef ýmsir aðrir aðilar, sem hafa komið að mjög svo vafasamri einkavæðingu liðinna ára, tengjast borgarfulltrúum fjárhagslegum böndum, þá eru hinir sömu borgarfulltrúar orðnir vanhæfir til að gegna starfi sínu, því þeir geta þá ekki þjónað þeim hagsmunum almennings ásamt sannfæringu sinni, sem þeim er ætlað að gera," segir í greinargerðinni.

Tillögunni vísað frá með atkvæðum meirihlutans

Tillögu Ólafs var vísað frá með átta atkvæðum borgarfulltrúa Sjálfstæðisflokks og Framsóknarflokks. Samfylkingin sat hjá við afgreiðslu málsins en borgarfulltrúar Vinstri grænna greiddu atkvæði með tillögunni.

Er verið að fela eitthvað???

Þar til næst.

Skrílslæti.

Þessi uppákoma unga fólksins í Alþingi í dag er að mínu mati til háborinnar skammar.

Þó ég sé harður andstæðingur núverandi ríkisstjórnar, þá er þetta ekki rétta leiðin til að mótmæla.

Með svona framferði leggjum við vopn í hendur andstæðinga okkar sem stimpla okkur öll sem skríl.

Slíkt má ekki gerast!

Ég er fylgjandi kosningum í vor, og þá getum við sent dýralækninn út í sveit, þar sem hann er best geymdur, og afganginn, ja, eitthvað af þeim í næsta frystihús og einhver gæti skroppið á sjóinn og afg. færi þá bara á atvinnuleysisbætur. Þá kannski lærir þetta háæruverðuga(?) lið hvernig það er að draga fram lífið á atvinnuleysisbótum, á sama tíma og "útrásargreifarnir" halda áfram að blóðmjólka okkur.

Þar til næst.

 

Ólæti á þingpöllum

Spilling frh.

Hann segir að því miður séu engin lög hér á landi sem komi í veg fyrir viðskipti með þessum hætti og kristallist það í 10/11 málinu sem var vísað frá dómi sem eðlilegum viðskiptum.

„Þar kemur það skýrt fram að á Íslandi í dag eru ekki til lög sem koma í veg fyrir það að aðili getur setið báðum megin við borðið og stolið af smáum hluthöfum."

Jón sagði Lífeyrissjóðina hafa tapað gríðarlegu fé í þessu samhengi og þeir hefðu brugðist sjóðsfélögum sínum með því að gæta ekki hagsmuna þeirra. Á sama tíma hafi þessir menn verið úti að borða og á fótboltavöllum með þeim aðilum sem áttu að tryggja að þessi viðskipti væru í lagi.

Hann sagði alveg ljóst að nú þyrfti að setja strangari og skýrari lög um að það megi ekki stela. „Í löndum þar sem er gott regluverk varðandi þetta, eins og í Bandaríkjunum og Bretlandi, eru menn leiddir út í handjárnum sem gera svona."

Jón sem verið hefur meðal ráðgjafa ríkisstjórnarinnar í yfirstandinu erfiðleikum segir að í bankakerfinu í dag séu skuldir og eignir upp á þrjú þúsund miljarða sem ríkið sé nú búið að ábyrgjast.

„Skuldirnar munu ekki rýrna en hættan er sú að eignirnar muni rýrna. Ég hef áhyggjur af því að eftir 2-3 ár komi í ljós að eignir bankanna hafi rýrnað um segjum 20% sem eru 600 milljarðar," sagði Jón.

Hans áhyggjur snúast einnig að því að á þessum tíma muni sömu aðilar vera búnir að eignast eignirnar aftur. Það sé eitthvað sem megi ekki gerast. „Þeir eru í kjöraðstöðu til þess vegna þess að þeir þekkja fyrirtækin og vita hvernig á að búa til samninga sem hljóma vel fyrir ríkið en eru svo eitthvað allt annað."

Hann segir að ekki sé næg þekking inni í bönkunum til þess að koma í veg fyrir að svona fari. Nú séu uppi kjöraðstæður fyrir látalæti sem þessi. „Kjöraðstæður fyrir spillingu."

Þar til næst.

Spilling?

Ég rakst á þessa grein á Vísi. Tók mér það bessaleyfi að hnupla nokkrum málsgreinum, vona að ég missi ekki hausinn fyrir vikið.

Jón Steinsson lektor í hagfræði við Columbia háskólann í Bandaríkjunum segir engin lög í gildi hér á landi sem komi í veg fyrir að sami aðili sitji beggja vegna borðsins og steli af öðrum hluthöfum. Hann segir Lífeyrissjóðina ekki hafa gætt hagsmuna félaga sinna og það sé mikill áfellisdómur yfir þeim. Jón var gestur í Silfri Egils fyrr í dag.

„Í grunninn eru þetta bara viðskipti þar sem annar aðilinn á heilt fyrirtæki eða einkahlutafélag. Hann er síðan í stjórn almenningshlutafélags og lætur viðskipti eiga sér stað á milli þessara tveggja fyrirtækja. Hann er hinsvegar báðum megin við borðið og selur fyrirtæki B hlut á yfirverði, sem þýðir að þessi aðili er að hagnast á kostnað annarra hluthafa," sagði Jón sem skrifað hefur greinar um þessi mál undanfarið.

Hann sagðist telja að viðskipti með þessum hætti væru mikil hér á landi og verstu dæmin væru þegar þekkt. Í því sambandi nefndi hann Sterling, 10/11, Kaldbak og nýjasta dæmið væri Stím.

Þar til næst.

Erfinginn.

Erfinginn, ef svo ólíklega skyldi nú vilja til að eitthvað yrði að erfa, þegar þar að kemur.

Dúddinn er nýorðinn sextán ára og (eðlilega) farinn að rífa passlega kjaft sem ég er hæstánægður með. Það sýnir mér að hann hefur ekki bara útlitið frá mér heldur hefur hann líka fengið eitthvað af innrætinu með. Það verður þó að segjast eins og er að móðir hans er ekki alveg jafn sæl og ég, en Danir hafa kannski önnur viðhorf til barnauppeldis en við Íslendingar.

Þar til næst.